O‘zbekiston poytaxtida shaxmat bo‘yicha “Toshkent kuzi – 2016” turniri yakunlandi. Bu haqda O‘zA xabar bermoqda.
“A” guruhida o‘tkazilgan o‘yinlarda poytaxtlik Georgiy Shvanov g‘alaba qozondi. U to‘qqiz partiya davomida biron marta mag‘lubiyatga uchramadi va 8,5 ochko bilan birinchi o‘rinni egalladi. Toshkentlik yana bir shaxmatchi Nuriddin Xudoyqulov 7 ochko bilan kumush medalni qo‘lga kiritgan bo‘lsa, navoiylik Mehriddin Yo‘ldoshev 6,5 ochko bilan uchinchi bo‘ldi.
O‘n to‘rt yoshgacha shaxmatchilardan iborat “V” guruhida uch shaxmatchi to‘qqiz imkoniyatdan yettitasida g‘alaba va bittasida durang natija qayd etib, 7,5 ochkodan to‘pladi. Qo‘shimcha ko‘rsatkichlar bo‘yicha farg‘onalik Robiyaxon Sardorova birinchi, navoiylik Umidjon Husanov ikkinchi, Toshkent viloyatidan Shoxruh Hamidullayev uchinchi o‘rinni egalladi.
