AQSh Markaziy Razvedka Boshqarmasi mamlakat prezidenti ma'muriyati topshirig‘iga binoan Rossiyaga qarshi jiddiy kiberhujumni tayyorlamoqda. Bu haqda, NBC News telekanali razvedka boshqarmasidagi yuqori lavozimli manbasiga tayangan holda xabar qilgan.
Qayd etilishicha, hujum go‘yoki rossiyalik xakerlarning AQSh prezidentlik sayloviga ta'sir etishga urinishi uchun javob bo‘ladi.
Manbaning so‘zlariga ko‘ra, Rossiya rahbariyati ushbu kiberhujum nishoni hisoblanadi. Uning izoh berishicha, Rossiya prezidenti Vladimir Putin atrofidagi kishilarning shaxsiy akkauntlari va bank hisob raqamlariga hujum qilinadi.
Manba, shuningdek, boshqarma amaliyotga tayyorlanayotgani va buzish usullarini ishlab chiqayotganini aytgan.
