AQSh prezidenti Barak Obama mamlakat Milliy xavfsizlik kengashining navbatdagi yig‘ilishini o‘tkazgan. Unda Suriyadagi vaziyat hamda IShID terrorchilik guruhini zaiflashtirish va batamom yo‘q qilish masalasi muhokama etilgan. Bu haqda, Oq uy matbuot xizmati ma'lum qilmoqda.
Kengash yig‘ilishida prezident g‘arbiy Suriyadagi zo‘ravonliklar bo‘yicha ittifoqchilar hamda hamkorlar bilan olib borilayotgan muzokaralar, shuningdek, Asad tuzumining o‘z xalqiga nisbatan qo‘llayotgan qaqshatqich kampaniyasidan boxabar qilingan.
Prezident Obama Rossiya bilan ikki tomonlama aloqa kanallari uzilganiga qaramay, ushbu inqirozni hal etishda ishtirok etayotgan davlat bilan ko‘p tomonlama muzokaralarni davom ettirish natijasida uzoq muddat davomida zo‘ravonliklarga yo‘l qo‘ymaslikka erishish topshirig‘ini bergan.
Prezident shuningdek, AQShga terroristik hujumlarning oldini olish va IShID hamda "Al-Qoida"dan kelib chiquvchi tahdidlarga qarshi kurash ustuvor maqsad ekanini ta'kidlagan.
