Mustaqil huquqni himoya qilish tashkiloti Amnesty International Facebook kompaniyasi messenjer xizmatlarining himoyalanganligini yuqori baholadi. Unga ko‘ra, WhatsApp va Facebook Messenger eng kuchli himoyalangan messenjerlar hisoblanadi, deyiladi tashkilot hisobotida.
Huquq himoyachilari o‘zlarining tadqiqotlarida 11ta yirik internet kompaniya ilovalarining maxfiylik mexanizmlarini o‘rganib chiqishgan.
Tashkilot, xizmatlarning end-to-end-shifrlash, mijozlarni xavfdan ogohlantirish, tahdidli yozishma, hukumat so‘rovlariga javob berish kabi jihatlariga e'tibor qaratgan.
Natijaga ko‘ra, Facebook Messenger, WhatsApp, iMessage, FaceTime va Telegram yetakchi messenjerlar unvonini qo‘lga kiritgan. Amnesty International nuqtai-nazaridan Snapchat, BlackBerry, WeChat va QQ eng yomon himoyaga ega xizmatlardir.
