Meksikalik suratchi Feliks Ernandez 200 ming AQSh dollari turadigan Audi R8 modelini avtomobilning 40 dollarlik o‘yinchog‘i yordamida reklama qildi.
DIY Photography nashrining yozishicha, dastlab suratkash o‘z g‘oyalarini Audi vakillariga bildirgan. Natijada kompaniya rahbariyati o‘yinchoq mashina yordamida olingan suratlarni yuqori baholab, reklama suratlarini olishga buyurtma bergan.
Digital Synopsis nashrining yozishicha, fototasvirlarni olish uchun kam kuch sarflangan. Ernandez sahna ko‘rinishi, yorug‘lik, foydali rakurslar va fotokamera sozlamalari vositasida maxsus effektlarni hosil qilgan. U o‘zining Facebook tarmog‘idagi guruhida reklama tasvirlarini suratga olish maydonchasidan olingan suratlarni e'lon qildi.
Feliks Ernandez kichik buyumlarni yirik ko‘rsatuvchi suratlari bilan mashhurdir.
