Qozog‘istonning Pavlodar viloyatidagi trassada buzilib qolgan avtobusdan 79 nafar o‘zbekistonlik qutqarib olindi, deb xabar bermoqda Qozog‘iston ichki ishlar vazirligi favqulodda vaziyatlar qo‘mitasi rasmiy vakili Ruslan Imonqulovga iqtibos keltirgan holda Tengrinews.kz.
23 oktyabrda viloyatning Aksus tumanida, Qalqaman posyolkasiga 15 km yetmasdan, "Qizilo‘rda-Pavlodar" trassasida soat 21:30da 79 nafar o‘zbekistonlikni olib ketayotgan SETRA rusumidagi yo‘nalish avtobusi buzilib qolgan. Avtobus Omskdan Chimkentga kelayotgan bo‘lgan.
"Yomon ob-havo sharoitlari va yaqin atrofda aholi punkti yo‘qligi hamda -6 gradus sovuq harorat tufayli mahalliy ijroiya idoralari bilan birgalikda yo‘lovchilarni zudlik bilan Do‘stik qishlog‘iga evakuatsiya qilishga qaror qilingan", deb ma'lum qildi Imonqulov.
Voqea joyiga Kalqaman trassa tibbiy-qutqaruv punkti xodimlari jo‘natilgan. Yo‘lovchilarni Do‘stik qishlog‘idagi maktabga evakuatsiya qilish uchun qo‘shimcha "Gazel" mashinasi jalb qilingan.
