«Manchester Yunayted» jamoasi bosh murabbiyi Joze Mourinoga FA tomonidan hakam sha'niga aytilgan so‘zlari uchun rasmiy ayblov e'lon qilindi. Bu haqda assotsiatsiya saytida ma'lum qilingan.
FA mutaxassisga Angliya chempionati 8-turida «Liverpul» - «MYu» o‘yinida ishlagan hakam Entoni Teylor haqida aytgan gaplari uchun javobgarlik yuklamoqchi. 17 okyatbr kuni o‘tkazilgan bu o‘yin 0:0 hisobida yakunlangan, Mourino hakamning ishiga baho beraturib, u bosim ostida qolganini aytgandi.
«Janob Teylor – yaxshi hakam, biroq kimdir unga aniq maqsadlar bilan bosim o‘tkazmoqda. U yaxshi hakamlik qilolmasa kerak» - degan edi Mourino.
Daily Mail xabariga ko‘ra, bu gaplari uchun Mourino FA tomonidan jarimaga tortilishi mumkin.
31 oktabrgacha Mourino ayblovga javob qaytarishi kerak bo‘ladi.