Yakunlanib borayotgan 31 oktabr O‘zbekiston va jahonda yuz bergan turli voqea-hodisalarning eng saralari Kun.uz dayjestida.
Bishkekka otlangan O‘zbekiston delegatsiyasiga Rustam Azimov boshchilik qiladi
O‘zbekiston Respublikasi Bosh vazirining birinchi o‘rinbosari, moliya vaziri Rustam Azimov boshchiligidagi delegatsiya 2016-yilning 2-3 noyabr kunlari Bishkek shahrida bo‘lib o‘tadigan Shanxay hamkorlik tashkiloti Hukumat rahbarlari kengashining navbatdagi yig‘ilishida ishtirok etadi.
O‘zbekistonlik olim Ozarboyjon Fanlar akademiyasi faxriy doktori bo‘ldi
25 oktabr kuni Ozarboyjon poytaxti Boku shahrida o‘zbekistonlik tarixchi olim Shuhrat Barlosning “Turkestan i Yujnyy Kavkaz v XIX-XX vekax. Dashnaki ot Fergany do Karabaxa” hamda “Karabax: voyna idey” nomli kitoblarining taqdimoti bo‘lib o‘tdi.
GM Uzbekistan va «O‘zavtosanoat» mijozlarning savollari bilan shug‘ullanuvchi ishchi guruhlar tashkil qildi
«O‘zavtosanoat» AK tizimi korxonalari rahbarlari va mutaxassislaridan iborat maxsus ishchi guruh tuzildi. Kompaniyaning rasmiy saytida ma'lum qilinishicha, bundan maqsad O‘zbekistonda ishlab chiqarilayotgan avtomobillarni sotish va ularga xizmat ko‘rsatish masalalariga bog‘liq bo‘lgan fuqarolar murojaatlari bilan ishlash tizimini takomillashtirish hisoblanadi.
Qoraqalpog‘iston Respublikasi prokurori o‘zgardi
O‘zbekiston Bosh prokurorining buyrug‘iga asosan Erkabay Tadjiyev Qoraqalpog‘iston Respublikasi prokurori etib tayinlandi.
Moskva xiyobonlaridan biri O‘zbekiston birinchi Prezidenti sharafiga nomlanadi
O‘zbekistonning Moskva shahri markazidagi konsulligi va mehmonxonasi yaqinida barpo etilgan xiyobonga O‘zbekiston Respublikasi birinchi Prezidenti Islom Karimov nomi beriladi.
Amerikaning USS Carney esminetsi Qora dengizni tark etdi
AQSh HDK USS Carney esminetsi Qora dengizda atigi olti kun bo‘lgach, zudlik bilan Bosfor bo‘g‘ozi orqali ortga qaytgan, deyiladi kemalarning bo‘g‘oz orqali harakatini kuzatib boruvchi turk portalining Twitter sahifasida.
Qirg‘izistonda o‘tadigan ShHT hukumat rahbarlari kengashi oldidan xavfsizlik choralari kuchaytirildi
Qirg‘iziston ichki ishlar organlarining shaxsiy tarkibi 31 oktabrdan kuchaytirilgan rejimda ish boshladi.
Italiyada zilzilalar davom etmoqda
31 oktabrga o‘tar kechasi Italiyaning markaziy qismida yana 3 marta yer silkinishi ro‘y berdi.
Emomali Rahmon: Tojikiston qardosh O‘zbekiston bilan yaxshi qo‘shnichilik aloqalarini tiklamoqda
Tojikiston prezidenti Emomali Rahmonning bayonot berishicha, respublika qardosh O‘zbekiston bilan yaxshi qo‘shnichilik aloqalarini yo‘lga qo‘ymoqda.
Livan parlamenti davlat rahbarini sayladi
Livan parlamenti davlat rahbari lavozimiga general Mishel Aunni sayladi, deb xabar qilmoqda Reuters agentligi.
Trampning harbiy rejalari ma'lum qilindi
AQSh prezidentligiga respublikachilar partiyasidan nomzod bo‘lmish Donald Trampning maslahatchilari agar nomzod saylovda g‘alaba qozongudek bo‘lsa, u mamlakat mudofaasidagi muammolarni qanday hal etishini so‘zlab berishdi.
Iroq harbiylari Mo‘sulning sharqiy qismiga kirdi
Iroq harbiylari Mo‘sul shahrining sharqiy qismida joylashgan Al-Karama tumaniga yetib bordi.
Toshkentda “Gazel” va Mercedes ishtirokida dahshatli avtohalokat sodir bo‘ldi
28 oktabr erta tongda Toshkent shahri ko‘chalaridan birida yirik avtohalokat sodir bo‘ldi. «Samarqand Darvoza» savdo ko‘ngilochar majmuasi yaqinida yuz bergan baxtsiz hodisada qurbonlar bo‘lgan.
Olimlar millionlab mutant-chivinlarni tabiatga qo‘yib yuborishmoqchi
Braziliyalik olimlar har haftada bir necha million genetik jihatdan o‘zgartirilgan chivinni tabiatga qo‘yib yuborishmoqchi.
450 nafar evarasi bor 130 yashar ayol uzoq umr ko‘rish sirini ochdi
Turkiyaning Diyorbakir shahrida istiqomat qiluvchi Shaxi Tayyurak momoning hozirda 450 nafar evarasi bor. Uning 7 nafar farzandi bo‘lib, katta o‘g‘li 96 yoshda. Onaxonning aniq yoshi ma'lum emas.
Samsung smartfonlarida yangi muammo chiqdi
Samsung kompaniyasining Galaxy S7 va S7 Edge hamda Galaxy S6 va S6 Edge smartfonlari egalarida muammo chiqdi.
O‘FF Vitaliy Denisov bilan tushuntirish ishlari olib bormoqda
O‘zbekiston terma jamoasi Vitaliy Denisov bilan bog‘liq holatni sinchkovlik bilan kuzatib bormoqda va futbolchining tvitter orqali yozgan fikri OAVda keng muhokama qilinayotganidan xavotirda ekanini bildiradi.
