08:07 / 05.11.2016
5125

Mogerini Turkiya tashqi ishlar vaziri bilan mamlakatdagi hibsga olishlarni muhokama qildi

Foto: © AFP

Yevropa Ittifoqi diplomatiyasi rahbari Federika Mogerini Turkiya tashqi ishlar vaziri Mavlud Chovusho‘g‘lu va Yevropa Ittifoqi ishlari bo‘yicha vazir Omar Chelik bilan Turkiyadagi hibsga olishlarni muhokama qilganini ma'lum qildi. U bu haqda tvitterda yozdi

"Men telefon orqali Turkiya tashqi ishlar vaziri Mavlud Chovusho‘g‘lu va Yevropa Ittifoqi ishlari bo‘yicha vazir Omar Chelik bilan Xalqlar demokratiyasi partiyasi a'zolari va boshqa deputatlarning hibsga olinishlarini muhokama qildim", deb ma'lum qilgan Mogerini.

Avvalroq Turkiya bosh vaziri Binali Yildirim kurdparast Xalqlar demokratiyasi partiyasi deputatlari jinoiy ish bo‘yicha ko‘rsatmalar berishdan bosh tortganlari uchun hibsga olinganlarini ma'lum qilgandi.

Yildirimning aytishicha, terrorchilikni qo‘llab-quvvatlaydiganlar o‘z qilmishlariga javob berishlari kerak.  

 

Top