Hindiston bosh vaziri Narendra Modi o‘zining britaniyalik hamkasbi Tereza Meyga kinoyali taklifini bildirdi. U Buyuk Britaniya universitetlari hindistonlik talabalarni ko‘proq qabul qilishi kerakligini aytgan, deb xabar qilmoqda The Guardian nashri.
Hind hukumati rahbari Buyuk Britaniya va Hindiston o‘rtasidagi iqtisodiy aloqalarni faollashtirishga bag‘ishlangan matbuot anjumanida britaniyalik hamkasbiga murojaat qilgan.
«Ta'lim bizning talabalarimiz uchun muhim ahamiyatga ega va kelajagimizni hamkorlikda barpo etishdagi ishtirokimizni belgilaydi. Shu boisdan, biz yoshlarimizning ilmiy tadqiqotlarda ishtirokini ta'minlashimiz kerak», — degan Narendra Modi.
Nashrning qayd etishicha, avvalroq, Mey o‘z bayonoti bilan Hindistonning ikki davlat o‘rtasidagi viza tartibini yengillatish umidini puchga chiqargan edi. Endi esa, Britaniya bosh vaziri ikki mamlakat o‘rtasidagi aloqalarning ochiqlik prinsiplariga asoslanishi zarurligini e'tirof etib, erkin savdoni rivojlantirish g‘oyasini yoqlagan hamda hind sayyohlarining Britaniyaga kelishi soddaroq bo‘lishini aytgan.
