Eron milliy neft kompaniyasi va Fransiya-Xitoy-Eron xalqaro konsorsiumi Janubiy Fors yirik tabiiy gaz konining 11-uchastkasini o‘zlashtirish bo‘yicha kelishuvni imzoladi. "Tasnim News Agency" agentligining xabar qilishicha, bitim qiymati 4,8 mlrd dollarni tashkil etadi.
Xalqaro konsorsium tarkibiga Fransiyaning Total, Xitoyning CNPC (China National Petroleum Corporation) va Eronning Petropars neft kompaniyalari kiradi. Janubiy Fors konining 11-uchastkasida gaz qazib olish ishlari 2020 yil martida boshlanishi kutilmoqda.
Janubiy Fors – dunyodagi eng yirik tabiiy gaz koni hisoblanadi. Uning zaxirasi 13,8 trln kub metr deb baholanmoqda. Eron o‘tgan asrning oxirlaridan mazkur konni bosqichma-bosqich o‘zlashtirib keladi.
