Saylov jarayonlari ham o‘z yakuniga yetdi. Fuqarolar saylovda faol ishtirok etishdi. Kun nashri muxbiri ham yopilishidan avval saylov uchastkalarida bo‘lib, saylovchilarning taassurotlari bilan bo‘lishdi.
Normuhamedova Feruza:
Bugun kuzatuvchi bo‘lib ishtirok etdik. Shu o‘rinda o‘z ovozimizni ham berdik. Saylov jarayoni haqqoniy o‘tdi. Mahallamiz fuqarolari chiqib, o‘z nomzodlariga faol tarzda ovoz berishdi.
Hojiakbarova Sharifa:
Saylovda birinchi marotaba ishtirok etmoqdaman. Avvaliga qandaydir qo‘rquv bor edi. Biroq bugungi kun xuddi bayramdek o‘tdi. Biz ovoz berib saylagan inson munosib yurtboshi bo‘lishiga ishonamiz.
Mirzaxo‘jayev Sharif, tadbirkor:
Kun davomida ba'zi ishlar bilan band bo‘lganim uchun kechki payt saylovda ovoz berishga tashrif buyurdim. Ertaga natijalarni intiqlik bilan kutaman.
Mahbuba Aminova, komissiya a'zosi:
Saylov jarayoni juda uyushqoqlik bilan o‘tdi. Barcha fuqarolar ko‘tarinki kayfiyatda o‘z ixtiyori bilan ovoz berdi. Bugungi saylov chiroyli yakun topganidan xursandman.