Foto: emirateswoman.com
Dubayda gullardan eng katta konstruksiya yaratish bo‘yicha Ginness rekordi qayd qilindi, deb ma'lum qildi shahar matbuot xizmati Dubai Media Office.
Dubai Miracle Garden gullar bog‘i Ginness rekordlar kitobiga kiritilgan rekordni o‘rnatish bo‘yicha sertifikat oldi. Bu konstruksiya o‘zidan A380 yo‘lovchi samolyotining gullardan yasalgan nusxasini aks ettiradi. Bu "mo‘'jiza"ni yaratish ustida 200 dan ko‘proq odam 180 kun mehnat qildi.
"Guldan yasalgan samolyot"ning balandligi 24 metrni tashkil qiladi, uning karkasi shu bog‘da yetishtirilgan 90 tonna gul va o‘simliklar bilan bezab chiqilgan. Hammasi bo‘lib konstruksiyada 600 mingga yaqin gul ishlatilgan.
