21:59 / 05.12.2016
18508

Qozog‘istonda kichik yoshli bola telefon quvvatlantirgichdan halok bo‘ldi

Qozog‘istonning Aqtau shahrida yetti yashar bola onasining telefonini o‘ynashi oqibatida halok bo‘ldi. Telefon bu vaqtda quvvatlantirgichga ulangan edi.

Mangistau viloyati bolalar shifxonasida ma'lum qilinishicha, ona qizchasi bilan yotishga hozirlangan. Ularning yonida quvvatlantirgichga qo‘yilgan smartfon bo‘lgan. Oradan ma'lum bir vaqt o‘tgach, ayol uxlab qoladi, qizcha esa smartfon o‘ynashda davom etadi. 

"Telefon bilan nima sodir bo‘lgani hali noma'lum. Ammo qizchani tok urgan va uning yuragi urishdan to‘xtagan. Faqat ertalab ota-ona farzandining o‘lib qolganligini sezishgan. Uni jonlantirish bo‘limiga olib kelishgan, ammo shifokorlar unga yordam bera olishmadi", - deb xabar berildi viloyat bolalar shifoxonasida.

 

Mavzuga oid
Top