10:54 / 11.12.2016

Homs viloyati hududida Suriya qiruvchi samolyoti qulab tushdi

Suriya Harbiy-havo kuchlarining MiG-23 rusumli qiruvchi samolyoti qulab tushdi. RIA Novosti agentligining manbasi bergan xabarga ko‘ra, hodisa 10 dekabr kuni Homs viloyati hududida joylashgan Et-Tifor aviabazasi yaqinida sodir bo‘lgan. Hodisa sababi terrorchilar hujumi emas, texnik nosozlik ekani aytilgan.

Samolyot uchuvchisi katapulta qilingan va tirik qolgan. Uning ahvoli barqaror ekani va sog‘ligiga xavf yo‘qligi aytilgan.

#Suriya

#Homs

Mavzu

Suriyadagi urush

Suriyada 2011 yilda boshlangan fuqarolar urushi mamlakatni bir necha qismlarga bo‘lib tashlagan. Suriya hukumati, IShID, kurdlar va boshqa turli jangari guruhlar o‘rtasidagi qurolli to‘qnashuvlar hamon davom etmoqda.

Barchasi