Amerikaning Google kompaniyasiga tegishli bo‘lgan YouTube videoxostinglar xizmati KXDR davlat telekanali sahifasini bloklab qo‘ydi, deb yozmoqda The Washington Post gazetasi. AQSh tomonidan tuzumga qarshi joriy qilingan sanksiyalar talablarini buzib qo‘ymaslik sababli shunday ehtiyot chorasi ko‘rilgan.
Videosahifani to‘sib qo‘yishga, unda efirga uzatiladigan mahsulotlar emas, balki KXDR hukumatining o‘z sahifasi orqali reklamadan daromad ko‘rishi ehtimoli asos bo‘lgan. Nashrning taxmin qilishicha, YouTube sahifasi sanksiya tartibini buzmaslik uchun o‘tgan oyda bloklangan.
"Biz videokanallar va roliklar yuzasidan izoh bermaymiz, - deya Google kompaniyasining Osiyo mintaqasidagi vakili so‘zlarini keltiradi gazeta. – Biroq, biz foydalanish kelishuvi qoidalarini, xizmat prinsiplarini buzgan yoki qonun shuni talab qilsa, akkauntlarni o‘chiramiz".
"Ushbu sahifa YouTube jamiyati qoidalarini buzganligi uchun o‘chirilgan", - deyiladi Shimoliy Koreya markaziy telekanalining sahifasida joylashtirilgan xabarda.
