19:17 / 15.12.2016
15334

AQShda shahar politsiya boshqarmasining barcha xodimlari ishdan bo‘shab ketishdi

Foto: Skrinshot Youtube/Wochit News

AQShning Indiana shtatidagi Banker Xill shahri politsiyasiz qoldi. Bu holat shahar politsiyasi boshlig‘i va uning xodimlari ishdan ketish haqida ariza yozishgach, sodir bo‘ldi, deb xabar qiladi Guns.com

Ma'lumotlarga ko‘ra, iste'foga shahar ma'muriyati bilan mojaro sabab bo‘lgan. Sobiq politsiyachilarning xabar berishicha, ularni shahar kengashi a'zolarini kuzatish va tarjimai hollarini tekshirishga majburlashgan. 

Shahar ma'muriyatida esa politsiyachilarning ayblovlari yolg‘on ekanini ma'lum qilib, xodimlarga nisbatan hech qanday noqonuniy harakatlar sodir etilmaganini aytib o‘tishgan.

Ma'lumot uchun, Banker Xill aholisi – 900 kishini tashkil qiladi. Shahar politsiya boshqarmasi esa boshliq va to‘rt zobitdan iborat bo‘lgan.
 

Top