Turkiyaning mahalliy nashri Capital talqiniga ko‘ra, Turkiyaning eng yaxshi 500 ta kompaniyasi ma'lum qilindi. Bu ro‘yxatda iste'molchilik, energetika va xizmat ko‘rsatish sohalarida faoliyat yurituvchi kompaniyalar yetakchilik qilmoqda.
"Turkiyaning eng yirik kompaniyalari" yo‘nalishida yetakchi o‘rinlarni Türpraş, OMV Petrol Ofisi neft-kimyo kompaniyalari va Turkish Airlines aviakompaniyasi egalladi.
"Turkiyaning eng serdaromad kompaniyalari" sifatida Turkish Airlines, Turkcell aloqa operatori va Tüpraş kompaniyalari e'tirof etildi.
"Turkiyaning eng yirik eksportchi kompaniyalari" yo‘nalishida Ford Otosan avtomobilsozlik kompaniyasi, Tüpraş neftni qayta ishlash kompaniyasi va Oyak-Renault avtomobilsozlik zavodi yetakchi kompaniyalar bo‘ldi.
"Eng katta bandlikka ega kompaniyalar" yo‘nalishida yetakchi o‘rinlarni Türk Telekom uyali aloqa operatori, BİM va LC Waikiki do‘konlar tarmoqlari egalladi.
