10:26 / 18.12.2016
6275

AQShdagi to‘y vaqtida daraxtning qulashi bir kishini halok qildi

Foto: @iCbass7 / Twitter

To‘y marosimi vaqtida daraxtning qulab ketishi oqibatida bir kishi halok bo‘ldi, besh kishi esa jarohat oldi. Voqea joyidan olingan video 18 dekabr kuni AQShning Kaliforniya shtatidagi Los-Anjyeles okrug yong‘in xavfsizlik bo‘limining Twitter’dagi mikroblogida e'lon qilindi.

KTLA telekanalining ma'lum qilishicha, voqea 17 dekabr kuni, mahalliy vaqt bilan 16:45da  Uitter shahridagi Penn parkida sodir bo‘ldi. Marosimda 20ga yaqin kishi ishtirok etgan. Guvohlarning so‘zlariga ko‘ra, ular daraxt tagida turishgan, shunda ulkan daraxt odamlar ustiga qulagan. Yana bir guvohning so‘zlariga ko‘ra, daraxt ikkiga bo‘linib ketgan.

Voqea joyiga qutqaruvchilar va oltita tez yordam mashinasi yetib kelgan. Jabrlanganlarga tibbiy yordam ko‘rsatilgan, ayrimlari shifoxonaga yotqizilgan. The Seattle Times ma'lumotiga ko‘ra, jarohatlanganlarning ikki nafari og‘ir ahvolda, uch nafari esa turli darajada jarohat olgan.

Daraxtning qulash sabablari va qurbon bo‘lganlar haqida aniq ma'lumotlar berilmagan.

 

Top