11:25 / 24.12.2016
19631

Video: Futbol hakami golli uzatma muallifi bo‘ldi

Germaniyaning ikkinchi Bundesligasi "Union Berlin" va "Groyter Fyurt" jamoalari o‘rtasidagi o‘yini chog‘ida qiziq holat ro‘y berdi. Gap shundaki, unda urilgan gollardan biriga hakam sabab bo‘ldi. Uning videolavhasi 20 dekabr kuni Bundesliganing YouTube saytidagi rasmiy sahifasiga joylashtirildi. 

Hakam Bibiana Shteynxaus o‘zi xohlamagan holda mehmon jamoaning gol urishida ishtirokchiga aylanib qoldi. "Union" himoyachisining to‘pni o‘z jarima maydonidan uzoqlashtirishga urinishi omadsizlikka uchragan: zarba hakamga tegib, to‘p "Groyter Fyurt" hujumchisi oyog‘iga kelib tushgan. U esa, qulay imkoniyatdan foydalanib, raqib darvozasi burchagini  aniq nishonga ola bilgan. 

"Union" o‘yinchilarining e'tirozlariga qaramay, hakam, golni hisoblashga qaror qildi. Uchrashuv 1:1 hisobidagi durang bilan yakunlandi.

Top