AQShning Tennesi shtatida yashovchi ayol bor bisotini uy hayvonlariga meros qilib qoldirdi, deb xabar bermoqda The Washington Post nashri.
Nashrning ta'kidlashicha, ayolning o‘limidan keyin uning ta'ziyanomasida u "hayvonlarni ashaddiy yaxshi ko‘rgani" va shuning uchun barcha davlatini ularga qoldirgani yozilgan bo‘lgan. Amaldorlar bir yil o‘tib uning bu vasiyatini tasdiqlashgan.
"Glenda Teylor DeLauder mushuk va itlarini shunchalik yaxshi ko‘rganki, o‘zining barcha mulkini bu jonzotlarga yordam berish uchun qoldirgan. Ko‘plab odamlar o‘z uy hayvonlarini bolalaridek yaxshi ko‘rishadi va o‘z farzandlariga ega bo‘lmagan ko‘plab odamlar o‘z hayvonlarini bolalar deb hisoblashadi. Okrugimizdagi bir fuqaro bu muhabbatning namunasi bo‘ldi", deb aytildi ayol yashagan Kanter-Kaunti okrugi meri Leon Xamfri bayonotida.
Ta'kidlanishicha, ayolning hayvonlarga qoldirgan mulki 1,2 mln dollarga baholangan.
