Foto: Reuters
IShID Turkiyaning Istanbul shahridagi Reina tungi klubiga uyushtirilgan hujum uchun javobgarlikni o‘z zimmasiga oldi. Bu haqda Reuters xabar tarqatdi.
Bundan oldinroq ushbu terakt IShID a'zosi bo‘lgan o‘zbekistonlik tomonidan sodir etilgan bo‘lishi mumkinligi haqida xabar berilgandi.
1 yanvarga o‘tar kechasi Istanbulning Yevropadagi qismida joylashgan tungi klubda Yangi yil bayrami nishonlanayotgan vaqtda Kalashnikov avtomati bilan qurollangan shaxs bostirib kirib, odamlarni o‘qqa tutdi. Bu hujum oqibatida 39 kishi halok bo‘lib, 69 kishi yaralangan holda shifoxonaga yotqizildi. Qurbonlar orasida 16 mamlakat fuqarolari bor.
Hujum uyushtirgan shaxs ayni vaqtda qidirilmoqda.
