Tojikiston poytaxti Dushanbe shahrida istiqomat qiluvchi ayol tojik militsiyasi tomonidan yangi tug‘ilgan chaqaloqni sotishda gumon qilinib qo‘lga olindi.
Tojikiston ichki ishlar vazirligining xabar berishicha, 32 yoshli ayol qizini 2016 yilning 6 dekabr kuni dunyoga keltirgan. U farzandini Vose tumanilik fuqaroga 14 dekabr kuni 1 ming somoniyga sotib yuborgan.
Ushbu holat bo‘yicha jinoyat ishi qo‘zg‘atilib, tergov harakatlari boshlandi, deyiladi huquqni muhofaza qilish mahkamasi xabarida.