Donald Tramp: CNN – yolg'on yangiliklar kanali

Jahon 12 Yanvar 2017 7795
Фото: РИА

AQShning saylangan prezidenti Donald Tramp 11 yanvar kuni o'zining ilk katta matbuot anjumanini o'tkazgani haqida avval xabar qilgan edik. Mazkur anjumandan bir kun avval Amerikaning ayrim nashrlari Trampni obro'sizlantiruvchi ma`lumotlar mavjudligi haqida xabarlar tarqatgan edi. Xususan, CNN telekanali Amerika xizmatlari Rossiya ayg'oqchilari tomonidan Trampga nisbatan ma`lumotlar to'planganini gumon qilayotgani haqida ma`lum qilgandi. BuzzFeed portali esa, "razvedka hujjati" to'liq e`lon qilishga ham jur`at etdi. 

Shu bilan birga, tekshirilmagan va tasdiqlanmagan ma`lumotlarning oshkor qilinishi ko'plab jahon nashrlari tanqidiga uchradi. Saylangan prezidentning o'zi ham "adolatsiz OAV"ni keskin qoraladi. 

"Ular oqibatlariga tayyorgarlik ko'raverishi kerak, ular allaqachon tayyorlanishmoqda", — deya tahdid qilgan Tramp BuzzFeed portaliga matbuot-anjumanida. 

Shu bilan bir vaqtda, Amerikaning bo'lajak rahbari CNN jurnalistiga savol berishi uchun izn bermagan, aksincha telekanalni "Siz — soxta yangiliklarsiz!", deya ayblagan. 

Trampning so'zlariga ko'ra, agar ushbu xabarlar e`lon qilinishida maxsus xizmatlarning qo'li bo'lsa, bu ularning obro'siga putur yetkazadi. "Balki bu razvedkaning ishidir, ehtimol unday emasdir — kim biladi?" – deb qayd etgan respublikachi prezident.

Tramp, shuningdek, mazkur masala bo'yicha rasmiy Kreml pozitsiyasini hurmat qilishini uqdirdi. Moskva obro'sizlantiruvchi ma`lumotlar e`lon qilinishini “mutlaq asossiz xabar” ekanini ta`kidlab, Rossiya hech kimga nisbatan bunday ma`lumotlar to'plamasligini, balki global tinchlik va xavfsizlik maqsadida ishlashini qayd etgan edi. 

Ko'proq yangiliklar: