10 yanvar kuni Peterburg metrosidagi "Aleksandr Nevskiy" bekatida ro'y bergan qotillik bo'yicha ish olib borayotgan politsiya ushbu qotillikni sodir etishda gumonlanuvchi shaxsni qo'lga oldi.

"Fontanka" nashrining xabar berishicha, qirg'izistonlik 22 yoshli yigit ayni vaqtda mahkamada so'roq qilinmoqda.

U 10 yanvar kuni metroda poyezd ostiga o'zbekistonlik 22 yoshli yigitni itarib yuborishda gumondor. Poyezd to'xtashga ulgurmagan va o'zbekistonlik yigit fojiali tarzda halok bo'lgan.

Bu hodisa kuzatuv kameralari orqali tasodifiy hodisa emasligi, qasddan amalga oshirilgan qotillik ekani aniqlandi.

Tergov qo'mitasi ushbu hodisa yuzasidan Rossiya Federatsiyasi Jinoyat Kodeksining 105 — "Qotillik" moddasi bo'yicha jinoiy ish qo'zg'atgan.