Jahonning eng ko'p tashrif buyurilgan futbol klubi sayti ma`lum bo'ldi

Sport 12 Yanvar 2017 9495
Иллюстратив сурат

UYeFAning yillik hisobotidagi ma`lumotlarga ko'ra, Angliyaning “Manchester Yunayted” klubi sayti eng ko'p foydalanuvchilar tashrif buyurgan sahifa bo'ldi. U jahonning barcha futbol klublari rasmiy veb-portallari orasida birinchi o'rinni egalladi.
“Qizil iblislar”ning rasmiy saytiga o'tgan mavsum davomida har oyda deyarli 8,5 million kishi kirgan. Keyingi pog'onada “Arsenal” qayd etilgan bo'lsa (8,5 mln), kuchli uchlikni “Liverpul” sayti yakunlab bergan (bir oyda 7,7 million foydalanuvchi tashrif buyurgan).
Keyingi o'rinlarda Madridning “Real” (bir oyda 7,2 million kishi) va Kataloniyaning “Barselona” (6,3 mln) saytlari bormoqda. Birinchi o'nlikdan, shuningdek, “Fenerbaxche” (3,3 mln), “Chelsi” (3,2 mln), Kiyevning “Dinamo”si (3,1 mln), “Bavariya” (2,9 mln) va Dortmundning “Borussiya” klubi (2,7 mln) saytlari o'rin oldi.
Ma`lumotlar 2016 yilning yanvar-iyun oylaridagi holat bo'yicha taqdim etilgan.
Sayt, “Manchester Yunayted”
 

Ko'proq yangiliklar: