Filippin prezidenti Rodrigo Duterte mamlakatda giyohvandlik muammosi tufayli harbiy holat rejimini joriy qilmoqchi.
«Istasam, jiddiy tarqalayotgan bu muammoni bartaraf etish uchun harbiy holat e'lon qilaman», — deya Dutertening so‘zlarini keltirgan Reuters.
U o‘zini hech kim to‘xtata olmasligini, Oliy sud yoki kongressga bo‘ysunmasligini qo‘shimcha qilgan.
Duterte prezidentlikka saylanganidan buyon giyohvandlikka qarshi kurash olib bormoqda. U giyohvandlarni o‘z qo‘li bilan o‘ldirgani haqida ham aytib o‘tgan.
U bu harakatlarini aholini tahdidlardan himoyalash niyati bilan oqlamoqchi bo‘ladi. Prezidentning so‘zlariga ko‘ra, Filippinda 4 millionga yaqin kishi giyohvandlik muammosidan jabrlangan.
Bundan oldinroq, u bir qancha merlarni narkosavdogarlar bilan aloqalari uchun o‘ldirishi bilan tahdil qilgandi.