Janubiy Koreya prokuraturasi Samsung kompaniyalari guruhiga amalda rahbarlik qilayotgan vitse-prezidenti Li Chje Yonni hibsga olish bo‘yicha mamlakat sudiga so‘rov yuborgan. U mamlakat prezidentligidan vaqtincha chetlashtirilgan Pak Kin Xe atrofidagi kishilarning korrupsiyasiga aloqadorlikda gumon qilinmoqda. Bu haqda Associated Press (AP) xabar qilmoqda.
Agentlik ma'lumotlariga ko‘ra, prokuratura, shuningdek, sobiq sog‘liqni saqlash vaziri va Milliy pensiya jamg‘armasi (MPJ) raisi Mun Xen Pxega nisbatan ayblov e'lon qilgan. U 2016 yil dekabrida qo‘lga olingan edi. Mun Ken Pxe Samsung kompaniyasining ikki sho‘'ba korxonasi birlashishi uchun MPJga bosim o‘tkazganini tan olgandi.
Samsung kompaniyalari guruhiga amalda boshqarib kelayotgan vitse-prezident Li Chje Yonni hibsga olish masalasi, u 13 yanvarda 22 soat mobaynida so‘roq qilinganidan so‘ng, kun tartibga chiqqani aytilgandi.
Li Chje Yon Samsung kompaniyasining prezidenti, otasi Li Gon Xi xastaligi sababli, bir necha yillardan buyon uning vakolatlarini bajarib keladi. Tergov taxminiga ko‘ra, Li Chje Yon respublika prezidenti Pak Kin Xening yaqin dugonasi Chxve Sun Silga moliyaviy ko‘mak berish masalasi bo‘yicha shaxsan qaror chiqargan.
