O‘zbekiston Respublikasi Prezidentining 2016 yil 20 dekabrda imzolangan “O‘zbekiston Respublikasi fuqaroligiga qabul qilish to‘g‘risida”gi farmoniga binoan 179 nafar shaxsga O‘zbekiston fuqaroligi berilgan bo‘lib joylarda ushbu shaxslarga O‘zbekiston Respublikasi pasportini tantanali topshirish marosimi o‘tkazilmoqda.
Namanganda ham viloyat hokimligining majlislar zalida 13 nafar insonga O‘zbekiston fuqarosi pasportini bayramona tarzda topshirildi.
Tadbirda viloyat hokimi so‘zga chiqib, fuqarolikni qabul qilganlarni qizg‘in tabrikladi va ulardan mana shu ona zaminga sadoqatni kutib qolishini takidladi.
Pasportlarni qabul qilib olgan fuqarolarimiz Prezidentimizning qarorlaridan bag‘oyatda quvonishgani, bugungi sanani ular ancha yillardan buyon orziqib kutishganini va ushbu kun hayotlaridagi eng baxtli dam bo‘lib qolishini aytishdi.
Temurmalik Vohidov
