Foto: O‘zbekiston Respublikasi TIV matbuot xizmati
2017 yil 22 yanvar kuni O‘zbekiston Respublikasi Tashqi ishlar vaziri Abdulaziz Kamilov BMTning Markaziy Osiyo uchun preventiv diplomatiya bo‘yicha mintaqaviy markazi (MOPDMM) rahbari Petko Draganovni qabul qildi. Bu haqda vazirlik matbuot xizmati xabar qilmoqda.
Suhbat chog‘ida O‘zbekiston va MOPDMM o‘rtasidagi hamkorlikning rivojlanish istiqbollari hamda dolzarb xalqaro va mintaqaviy masalalar muhokama qilingan.
