Qirg‘iziston poytaxti Bishkek yaqinida Boeing 747 yuk samolyoti halokati oqibatida qurbon bo‘lganlar soni 39 kishiga yetdi. Bu haqda Qirg‘iziston sog‘liqni saqlash vazirligi TASSga xabar bergan.
"Respublika travmatologiya va ortopediya ilmiy-tadqiqot markazida 29 yoshli Saginbek Rahmonov hayotdan ko‘z yumdi. U samolyot qulagan joydan davolash muassasasiga olib kelingandi", - deb ta'kidlab o‘tishgan vazirlikda. Ma'lumotlarga ko‘ra, yosh yigitning o‘limiga ko‘plab kuyish jarohatlari sabab bo‘lgan. "Bizning xodimlar qo‘llaridan kelgan barcha ishni amalga oshirishdi, biroq bemorni saqlab qolishning imkoni bo‘lmadi", - deb ta'kidlab o‘tishdi sog‘liqni saqlash vazirligida.
"Ayni damda Bishkek kasalxonalari va klinikalarida samolyot qulashida jarohat olgan taxminan 10 kishi qolmoqda", - deya aniqlik kiritishdi vazirlikda.
Turkiya kompaniyalaridan biriga tegishli Boeing 747-400 samolyoti Bishkekdagi “Manas” xalqaro aeroportining uchish-qo‘nish qismidan 1,5 km uzoqlikda falokatga uchragan. Samolyot aeroport yaqinidagi qishloq ustiga tushdi. Buning oqibatida 32ta uy vayron bo‘ldi. Layner Hongkong-Bishkek-Istanbul reysi bo‘yicha parvozni amalga oshirayotgan bo‘lgan.