09:44 / 30.01.2017
4332

Iroq Trampning muhojirlar bo‘yicha siyosatiga qarshi choralar ko‘rmoqchi emas

Foto: EPA

Iroq AQShning yangi prezidenti Donald Tramp tomonidan joriy etilgan immigratsion siyosatga qarshi qandaydir choralar ko‘rishni rejalashtirmagan. Bu haqda Iroq bosh vaziri Haydar al-Obodiy mahalliy televideniye orqali aytib o‘tdi.

"Iroq hukumati amerikaliklar ma'muriyatining iroqliklarni AQSh hududiga kiritmaslik bo‘yicha qaroriga javoban amerikaliklarga nisbatan shunday taqiq qo‘llamoqchi emas", degan vazir "Ar-Rafideyn" Strategik tadqiqotlar markazi xodimlari bilan uchrashuv chog‘ida.

Bosh vazir aniqlik kiritishicha, "Donald Trampning pozitsiyasi bo‘yicha hech qanday qarshi chora ko‘rilmaydi".

Shu bilan birga u "Trampning qarori tufayli amerikaliklarni iroqliklarning dushmani sifatida qabul qilish kerak emasligi"ni ta'kidlab o‘tgan.

Uning bu chiqishidan oldinroq iroqlik deputatlar hukumatdan Trampning bu qaroriga xuddi shunday cheklovlar joriy etish orqali javob qaytarishni talab qilib chiqishgandi.

Trampning 27 yanvarda imzolagan farmoni 7ta musulmon davlat: Eron, Iroq, Yaman, Liviya, Suriya, Somali va Sudan fuqarolariga tegishlidir.

28 yanvar kuni Qohira aeroportida Trampning farmoni sabab Iroq va Yaman fuqarolari Nyu-Yorkka uchadigan samolyotga chiqarilmadi.

Tramp AQShga kirish tartibini kuchaytirdi

Mavzuga oid
Top