"Rossiya segodnya" xalqaro axborot agentligi ixtiyorida Suriya respublikasining asosiy qonuni – konstitutsiyasi loyihasi paydo bo‘ldi. Uni Rossiya tomoni Suriya muammosi bo‘yicha Ostonada bo‘lib o‘tgan muzokaralar ishtirokchilariga taqdim qilgan edi. Ria.ru sayti uning matnini to‘liq e'lon qilgan.
Eslatib o‘tamiz, 2017 yil 23-24 yanvar kunlari Qozog‘istonning Ostona shahrida Suriyadagi ziddiyatli tomonlar, Turkiya, Rossiya, Eron va AQSh, BMT vakillari ishtirokida Suriya inqiroziga barham berishga qaratilgan ko‘p tomonlama muzokaralar bo‘lib o‘tdi.
