APLning 24-turida «Manchester Siti» «Suonsi Siti»ni qabul qildi. «Etihad» stadionida kechgan uchrashuv mezbonlarning 2:1 hisobidagi g‘alabasi bilan yakunlandi.
Mezbonlarga jamoaning braziliyalik yangi hujumchisi Gabriel Jyezus urgan ikki gol g‘alaba keltirdi. U ikkinchi golni o‘yinga qo‘shib berilgan daqiqalar tugayotganida urdi. «Suonsi» yarim himoyachisi Gilfi Tor Sigurdsson 84-daqiqada hisobni tenglashtiruvchi golga mualliflik qilgandi.
Bu g‘alaba evaziga «Manchester Siti» ochkolari sonini 49taga yetkazdi va turnir jadvalida uchinchi o‘ringa ko‘tarildi. «Suonsi» esa 21 ochkosi to‘plagan holda 15-o‘rinni «Midlsbro» va «Lester Siti» jamoalari bilan bo‘lishib turibdi.
Angliya premer-ligasi
24-tur
Manchester Siti – Suonsi 2:1 (1:0)
Gollar: Gabriel Jyezus (11, 90+2) – Sigurdsson (81).
Manchester Siti: Kabalero, Kolarov, Stounz, Klishi, Fernandino, Silva (Fernando, 90), Ture, Sterling (Aguero, 83), de Bryuyne (Sabaleta, 78), Sane, Gabriel Jyezus.
Suonsi: Fabianski, Fernandes, Olsson, Noton, Mouson, Kerroll (Dayyer, 75), Kork, Rautledj (Narsingx, 65), Fer, Sigurdsson, Lorente (Baston, 83).
Ogohlantirishlar: de Bryuyne (42), Sterling (44) - Lorente (60), Kork (75).
