Xitoyning Xubey provinsiyasidagi olti nafar amaldor davlat xizmatchilarining dangasaligiga qarshi kurash mavzusida o‘tkazilgan yig‘ilishda mudrab o‘tirganliklari uchun jazolanishdi. Bu haqda mahalliy OAVga tayangan holda Reuters agentligi xabar bermoqda.
Ma'lumotlarga ko‘ra, ularning bu holatdagi suratlari XXR raisi Si Tszinpinning korrupsiya va davlat xizmati vaqtida yo‘l qo‘yilayotgan xatoliklarga qarshi kurash fonida OAVda yoritilgan.
Kommunistik partiyaning Xubeydagi intizom byurosi talabi bilan amaldorlar o‘z-o‘zlarini tanqid qilib, omma oldida uzr so‘raydigan bo‘lishdi.
