Foto: motor.ru
Ukrainada yo‘l chetida qoldirilgan Honda Civic avtomobiliga bir soatda 7ta mashina haydovchisi urildi. Tashqi kuzatuv kamerasiga yozilgan hodisa YouTube saytida e'lon qilingan.
Barcha to‘qnashuv bir soat ichida sodir bo‘ldi. Toyota Corolla, ikkita Daewoo Lanos, Peugeot 107, Honda Civic, Toyota Avensis va Volkswagen Caddy Honda Civic mashinasiga kelib urilgan. Olti nafar haydovchi voqea joyidan qorasini o‘chirgan bo‘lsa, faqatgina Volkswagen Caddy haydovchisi hodisa oqibatini ko‘rish uchun mashinasidan tushgan.
Quto nashrining aniqlik kiritishicha, Ukrainaning ma'muriy javobgarlik kodeksida YTH joyini tashlab ketganlik uchun jarima, 30-40 soatlik jamoat ishlari yoki 10-15 sutkaga ma'muriy hibsda saqlash belgilangan.
