foto : REUTERS
AQSh razvedka xizmatlari mamlakat prezidenti Donald Trampdan ayrim maxfiy ma'lumotlarni sir tutmoqda. Bunga, ularning mazkur axborotlar fosh bo‘lib qolishidan xavotirlar sabab bo‘lmoqda, deb yozadi The Wall Street Journal nashri.
«Vaziyatdan xabardor sobiq va amaldagi rasmiy shaxslarning guvohlik berishlaricha, AQSh razvedka xizmati vakillari muhim razvedka ma'lumotlarini Trampga oshkor qilishmayapti. Ular mazkur axborotlar ommaga oshkor bo‘lishi yoki o‘g‘irlab ketilishi ehtimolidan xavotirlanishmoqda», — deb yozmoqda nashr.
Manbalarning xabarlariga ko‘ra, ayrim hollarda, razvedka xizmatlari xodimlari "razvedka josuslik materiallarini to‘plashda qaysi usullardan foydalanishiga doir ma'lumotlarni prezidentga taqdim etmagan".
