Italiyaning «Torino» klubi hujumchisi Andrea Belotti Yevropaning top-klublari nigohini o‘ziga qaratishda davom etmoqda.
Mundo Deportivo nashri tarqatgan xabarga ko‘ra, 23 yoshli italiyalik to‘purarga qiziquvchi jamoalar safiga endi «Real» ham qo‘shildi.
Madrid klubi Belottiga Benzema yoki Morataning o‘rinbosari sifatida qaramoqda. Yuqorida nomi keltirilgan futbolchilardan biri yozda «Real»ni tark etishi taxmin qilingan.
Eslatib o‘tamiz, A seriyaning joriy mavsumida 17ta gol kiritishga ulgurgan futbolchiga hozirda «Bavariya», «MYu», «Arsenal», «Manchester Siti» va «Liverpul» jamoalari ham qiziqish bildirmoqda. «Torino»hujumchini 100 million yevroga sotishni rejalashtirgan.
