Global isish Arktika hududining o‘simlik va hayvonot dunyosida jiddiy salbiy o‘zgarishlarga olib kelishi mumkin. Bu haqda Kaliforniya universiteti olimlari ma'lum qilishdi.
«Bugunning iqtisodi» portalida xabar qilinishicha, olimlarning ko‘pyillik kuzatuvlari shuni ko‘rsatdiki, bahorda muz qatlami yupqalashishi bir qator o‘simliklarni barvaqt uyg‘onishiga olib keladi, bu esa bunday o‘simliklar bilan oziqlanuvchi jonzotlar hayotiga ta'sir ko‘rsatadi.
Shuningdek, biologik vaqtdagi bunday o‘zgarish keyin to‘g‘rilab bo‘lmaydigan boshqa oqibatlarga olib keladi.
Bundan oldinroq okeanlarni tadqiq qilish markazi (GEOMAR) dunyo okeanida kislorod hajmi keyingi 50 yil ichida 2 foizga kamayganini qayd etishgani xabar qilingandi.
