19:25 / 15.03.2017
9468

Britaniya hukumati hijobni davlat miqyosida taqiqlamaydi

Buyuk Britaniya hukumati ayollarning ish o‘rinlarida diniy libos kiyishlarini taqiqlovchi hech qanday qonun loyihalarini kiritmoqchi emas. RIA "Novosti"da shu haqida xabar berildi

Yevropa sudining seshanba kuni chop etilgan qaroriga muvofiq, "kompaniyaning ichki qoidalari diniy yoki falsafiy ramzlarni taqiqlagan taqdirdagina" ish beruvchilar taqiqlov joriy qilishlari mumkin. Sud qaroriga ko‘ra, bunday holatlarda taqiqlov "to‘g‘ridan-to‘g‘ri kamsitish hisoblanmaydi". 

"Bizning mamlakatimizda har bir ayol nima kiyishni o‘zi hal qilish huquqiga ega. Biz bu mavzuda hech qanday qonun loyihasini kiritmaymiz. Tushunishimcha, gap birinchi navbatda hijob haqida ketmoqda. Shunday vaziyatlar bo‘ladiki, ularning bo‘lmagani yaxshi: masalan, chegaradan o‘tish vaqtidagi tekshiruvlar yoki sudlarda. Alohida institutlar nimani taqiqlashni o‘zlari hal qilishlari mumkin. Biroq kim nima kiyishini tartibga solish - davlatning vazifasi emas va biz erkinlik tamoyillarimizga sodiq qolamiz", - dedi Mey chorshanba kuni mamlakat parlamentida. 

Mavzuga oid
Top