Turkiya Qurolli kuchlarining ikki nafar harbiysi mamlakat janubi-sharqidagi Mardin viloyatida ro‘y bergan portlash oqibatida halok bo‘ldi. Dogan ma'lumotiga ko‘ra, portlash avtomobilga o‘rnatilgan portlovchi qurilma masofadan turib harakatga keltirilishi orqali amalga oshirilgan.
Hodisa Diyorbakir-Mardin avtotrassasida ro‘y bergan. Bu hududda turkiyalik harbiylar Kurdiston Ishchilar partiyasiga qarshi amaliyotlar o‘tkazmoqda.
Hodisa joyiga tibbiyot xodimlari yetib kelishgan, qurbonlar soni ortishi xavfi mavjud.
