Andijon viloyatining hokimining yangi o‘rinbosari tayinlandi. Bu haqda viloyat hokimligi saytida ma'lumot berilgan.
Unga ko‘ra, Ismoilov Serobiddin Poziljonovich viloyat hokimining yoshlar siyosati, ijtimoiy rivojlantirish va ma'naviy-ma'rifiy ishlar bo‘yicha o‘rinbosari etib tayinlandi.
Serobiddin Ismoilov 1974 yilning 23 oktabr kuni Andijon viloyati Oltinko‘l tumanida tug‘ilgan. Ma'lumoti oliy. 1996 yilda Andijon davlat universiteti matematika fani o‘qituvchisi mutaxassisligini tamomlagan.
Ma'lumot uchun, viloyat hokimining avvalgi o‘rinbosari Nishonov Muhammadjon Sodiqjonovich Marhamat tumani IIB boshlig‘i etib tayinlangan.
