17:20 / 17.03.2017
14759

Yevropa ligasi. Chorak final juftliklari ma'lum

Bugun, 17 mart Toshkent vaqti bilan soat 17:00da UYeFAning Nondagi shtab-kvartirasida Yevropa Ligasi chorak finali qur'a tashlash marosimi o‘tkazildi.

Chorak final juftliklari ko‘r-ko‘rona asosda aniqlandi. Jamoalar oldindan savatchalarga ajratilmadi. Bir mamlakat vakillari o‘zaro to‘qnash kelishi mumkin edi.

Qur'aga ko‘ra, turnir favoriti «Manchester Yunayted» bu bosqichda Belgiyaning «Anderlext» jamoasiga qarshi o‘ynaydigan bo‘ldi.

«Anderlext» — «MYu»
«Ayaks» — «Shalke»
«Beshiktosh» — «Lion»
«Genk» — «Selta»

Qur'ada birinchi bo‘lib tortilgan jamoa dastlabki o‘yinni o‘z uyida o‘tkazadi.

Chorak final bosqichining dastlabki o‘yinlari 13 aprel, javob bahslari 20 aprel kunlariga belgilangan.

Yarim final bosqichi uchun alohida qur'a tashlash marosimi o‘tkaziladi.

Top