Sidney aeroportida Regional Express Airlines aviakompaniyasiga tegishli bo‘lgan Saab 340 yo‘lovchi turbovintli samolyoti parvoz vaqtida dvigatellaridan birida parrak otilib ketganidan so‘ng favqulodda qo‘ndi. Bu haqda ABC telekanali xabar bermoqda.
Ta'kidlanishicha, samolyot bortida 16 yo‘lovchi va uch nafar ekipaj a'zosi bo‘lgan. Hech kim jarohat olmadi.
Ayni damda Avstraliya transportdagi xavfsizlik byurosi hodisani tekshirish ustida ish boshladi. Byuro xodimlari otilib ketgan parrakni topish harakatida, u Sidney janubi-g‘arbidagi tumanlardan biriga tushgan bo‘lishi mumkin.
