08:03 / 18.03.2017
14647

Istanbulda qo‘nmoqchi bo‘lgan ikki samolyotga chaqmoq urildi

Istanbuldagi Otaturk nomidagi aeroportga qo‘nmoqchi bo‘lgan ikkita samolyotga chaqmoq urildi. Bu haqda Dogan axborot agentligi xabar bermoqda

Axborot agentligi ma'lumotlariga ko‘ra, chaqmoq birinchi samolyot korpusiga urilganda, dispetcherlar bu haqda ikkinchi samolyot uchuvchisiga xabar berishgan.  

Ikkinchi samolyot uchuvchilari bundan qochish uchun qo‘nish oldidan qo‘shimcha aylanaga ketishga qaror qilishgan, biroq chaqmoq baribir samolyotga urilgan.

Shunga qaramasdan, ikki samolyot ham muvaffaqiyatli qo‘na olgan. Voqea oqibatida jabrlanganlar borligi yoki samolyotlar shikastlangani haqida hech narsa ma'lum qilinmagan.

Mavzuga oid
Top