1 aprelda Misr poytaxti Qohiradan shimol tomonda joylashgan politsiya o‘quv markazi yaqinida sodir etilgan portlash oqibatida 16 kishi jarohat oldi. Bu haqda Al Watan portaliga iqtibos keltirgan holda TASS axborot agentligi xabar bermoqda.
Portlovchi qurilma Qohiradan 60 km uzoqlikda joylashgan Tanta shahridagi mamlakat ichki ishlar vazirligi mashg‘ulot lageri yaqinida portlatilgan.
OAV ma'lumotlariga ko‘ra, noma'lum kimsalar lager yaqiniga bomba qo‘yib, lagerdan bir guruh kursantlar chiqib kelayotganda uni portlatishgan.
Jarohatlanganlardan 13 nafari politsiyachi va 3 nafari piyoda bo‘lib, ulardan bir nechasining ahvoli og‘ir deya baholangan.
