Rossiya prezidenti Vladimir Putin va Belarus prezidenti Aleksandr Lukashenko Qirg‘iziston poytaxti Bishkek shahriga kelishdi. Davlat rahbarlari bu yerda juma kuni Kollektiv xavfsizlik shartnomasi tashkiloti a'zo-davlatlari yetakchilari uchrashuvi va Yevroosiyo iqtisodiy ittifoqi Oliy kengashi yig‘ilishida ishtirok etadi.
Kutilishicha, Yevroosiyo iqtisodiy ittifoqi Oliy kengashi yig‘ilishida Ittifoqning hisobot davridagi faoliyati yakunlari sarhisob qilinadi, shuningdek ittifoqqa a'zo-davlatlarning 2017-2018 yillardagi makroiqtisodiy siyosati yo‘nalishlari belgilab olinadi.
Kollektiv xavfsizlik shartnomasi tashkilotiga a'zo-davlatlar yetakchilarining norasmiy uchrashuvi esa Belarus prezidenti Aleksandr Lukashenko raisligida, Armaniston, Qozog‘iston va Tojikiston prezidentlari ishtirokida, tor doirada bo‘lib o‘tadi.