Toshkent viloyatining Bekobod tumani hokimi o'zgargan. 

Tuman hokimiyatida tasdiqlanishicha, bu lavozimga Turob Jo'rayev tayinlangan.

Jo'rayev Moliya vaziri o'rinbosari, Xalq ta`limi vaziri sifatida ishlagan (2004—2008 yy), keyinroq 2008—2011 yillarda Surxondaryo viloyatida hokim bo'lgan. O'zbekistonning birinchi prezidenti Islom Karimov 2011 yilning kuzida uni Qashqadaryo viloyatiga hokim etib tayinlagan, 2013 yilning sentabrida esa u qattiq tanqid qilinib, ishdan olingandi. Shundan so'ng Jo'rayev rahbarlik lavozimida ishlamagan.

Bekobod tumanining avvalgi hokimi Xolmatov Rustam Qurbonnazarovich Jizzax viloyati hokimining qishloq va suv xo'jaligi masalalari bo'yicha o'rinbosari lavozimiga o'tkazilgan.