19:45 / 17.04.2017
11361

Messiga «Barselona»ning o‘yini yoqmayapti

«Barselona» hujumchisi Lionel Messiga jamoa ko‘rsatayotgan o‘yin sifati yoqmayapti, deya xabar bermoqda Tribuna.Uz.

Manba bergan xabarga ko‘ra, argentinalik futbolchi bu haqda jamoadagi sherigi Luis Suaresga, Ispaniya chempionatining 32-turidan o‘rin olgan «Real Sosedad»ga qarshi uchrashuvdan keyinoq ma'lum qilgan. O‘sha uchrashuvda Messi dublga erishgan va bitta golli uzatma muallifi bo‘lib, jamoasining 3:2 hisobidagi g‘alabasini ta'minlagandi.

Hozirgi vaqtda «Barselona» Ispaniya chempionati turnir jadvalida 2-o‘rinda bormoqda. Jamoa hisobida 72 ochko mavjud va ular «Real»dan bitta uchrashuv ko‘p o‘tkazgan holda 3 ochko ortda qolmoqda. 33-turda «Barselona» aynan «Real»ga qarshi uchrashuvda maydonga tushadi. Uchrashuv 23 aprel kuni bo‘lib o‘tadi.

Top