“Radioaloqa, radioeshittirish va televideniye markazi” davlat unitar korxonasi tomonidan 375 metrlik Toshkent teleminorasining 100 metrdagi tomosha maydonchasi va 105 metrdagi “Koinot” restoraniga kirish tariflari preyskuranti qayta tasdiqlanib, 2017 yil 1 apreldan amalga kiritildi. Bu haqda Kun.uz’ga DUK axborot xizmati xabar berdi.
Yangi preskurantga muvofiq, teleminoraga tashrif buyuruvchilar toifalarga ajratilgan bo‘lib, A toifaga kiruvchilarga kirish bepul qilib belgilangan.
Shuningdek, Toshkent teleminorasiga tashrif buyurayotgan chet el va fuqarolikka ega bo‘lmagan shaxslarga qulay shart-sharoitlar yaratish maqsadida 16 yoshdan katta chet el fuqarolari uchun kirish tariflariga 2017 yil 1 apreldan 1 sentabrgacha bo‘lgan muddatga 40 foiz miqdorida chegirma belgilandi.
Toshkent teleminorasining tomosha maydonchasi va “Koinot” restoraniga kirish tariflari yangi preskuranti bilan www.crrt.uz saytining e'lonlar bo‘limida tanishish mumkin.